Филипче: За продолжениот викенд без групирање, забавите, собиранките оставете ги за некое друго време

Пред нас е продолжен викенд во кој очекувам максимално одговорно однесување на граѓаните, апелира министерот за здравство Венко Филипче.

Влегуваме во исклучително ризична фаза, напиша министерот на фејсбук, во која вирусот е широко распростанет и можноста за заразување е голема.

-Групирањето, забавите, собиранките оставете ги за некое друго време. Има многу безбедни начини за убаво поминат викенд почитувајќи ги мерките за заштита. Сега е време да го заштитиме сопственото, а со тоа и јавното здравје- напиша актуелниот министер за здравство Венко Филипче.

Министерството за здравство попладнево информираше дека во последните 24 часа се направени 2634 тестирања, а регистрирани се 640 нови случаи на ковид-19. Дванаесе лица се починати во болнички услови.