Во Австралија откриен „изгубен свет“

Експедицијата која е спроведена во Австралија, откри три нови видови на безрбетници кои биле изолирани милиони години, а научниците овој регион го нарекоа „изгубениот свет“. Конрад Хоскин од Универзитетот Џејмс Кук и тим на магазинот „National Geographic“ со помош на хеликоптер се спуштија на планинскиот венец Кејп Мелвил на почетокот годинава и по спуштањето биле изненадени од она што таму го пронајдоа. Тимот откри геко, гуштери со златна боја и необична жаба, три видови кои досега не биле откриени. 

„Пронаоѓањето на овие нови видови може да се нарече откривање кое се случува само еднаш во животот. И понатаму сум шокиран од тоа што го откривме. Ова е нешто неверојатно, а нивното прнаоѓање во земја во која мислевме дека сме ја истражиле целосно е просто фантастично“, изјавил Хоскин. 

 

Во план е тие повторно да се вратат на истото место со цел во наредните неколку месеци да откријат уште некои од досега неоткриените видови, вклучувајќи полжави, змии, и дриги видови на животни. 

„Сите животни кои ги откривме се просто неверојатни, само поради тоа што биле способни да издржат милион години на истата локација без да изумрат“, заклучил Хоскин.

28.10.2013 - 16:47

најчитано сега