Руски нутриционист предупредува: Јадење иста храна три дена по ред е штетна за здравјето

Според рускиот нутриционист Рима Мојсенко, консумирањето исто јадење повеќе од два дена по ред, е опасно за здравјето.

– На третиот ден јадење иста храна, особено онаа богата со протеини, имунитетот се урива. Се создава еден имунолошки комплекс, кој го забавува лачењето ензими, вели Мојсенко.

Тој објаснува и дека разновидната храна има корисно влијание врз микробиолошкиот систем, што помага да се зголеми апсорпцијата на сите хранливи материи од храната. Меѓутоа, ако на кој било начин е нарушен соодносот во исхраната, може да се појави дебелеење.

Мојсенко натаму истакнува дека треба да јадеме редовно и – пополека, како и да не пиеме вода со јадењето.