Потресна исповед на татко со три деца кој го преживеал коронавирусот: „Плачев и ги преколнував лекарите да не дозволат да умрам“

Дарен Батрик, татко на три деца од Англија  кој бил позитивен на коронавирусот, па оздравел, вели дека искуството на британскиот премиер Борис Џонсон дека го потсетило на она што и тој самиот го преживеал.

"Тешко ми беше дури и да ги бирам броевите на мојот мобилен телефон, да ја пребарувам меморијата, да ги пронајдам броевите, да ги повикам семејството, пријателите, да им кажам како беа работите. Плачев и ги молев лекарите и медицинските сестри да не ми дозволат да умрам", вели Дарен, опишувајќи ги моментите кога било одлучено да биде преместен на интензивна нега, бидејќи животот му бил загрозен и му биле дадени 15 минути за да се прости со семејството.

"Морав да им објаснам на Ангела, родители, браќа, сестри, роднини и пријатели дека ова може да биде нашиот последен разговор. Ги сакам, беше многу емотивно и вознемирувачко. Само седнав и плачев", раскажува Дарен кој им кажал на Скај њуз среќата се насмевна.

Неговата сопруга вели дека таа и нејзините три ќерки тинејџерки биле ужаснати од веста.

„Се срушив на подот, не можев а функционирам.Штом ја спуштив слушалката по разговор со него, повторно му се јавив. Мислев дека морам непрекинато да разговарам со него се додека не го преместат“ рекла таа.

Четириесетгодишниот Дарен посе тоа е ставен во вештачка кома и приклучен на апарати за дишење во болницата „Њу Крос“ во Вулверхемптон. Имел температура над 40 степени и се чувстувал како некој да го дави. Кога се заразил со вирусот на 11 март, не боледувал од ниедна друга болест, а оние кои се грижеле за него ги нарекува ангели.

"Една медицинска сестра ме погледна во очи и ми рече:" Не грижи се, ќе те спасиме ", додека таа ме галеше по раката, се сеќавам дека ми рече да бројам на десет. Мислам дека стигнав до три и мислев дека можеби повеќе никогаш нема да се разбудам, тоа значи дека ќе умрам. За среќа, се разбудив и се вратив од надворешниот свет “, вели тој.

Дарен кој инаку работи во голема фирма за телекомуникации целосо оздравел, но вели дека нема никогаш да заборави што видел.

„Луѓе кои ги гледав два дена додека лежев полусвесн на одделението за интензина нега, звукот на апаратите, тие луѓе кои лежеа со сите тие црева и цевчиња на себе, со пумпи и уреди кои ги одржуваа во живот- тоа беше ужасно и тие слики нема никогаш да ги заборавам и никогаш нема да исчезнат од мојата глава“ вели Дарен.