Манчевски: Нема доказ дека 5Г има драматично влијание врз животниот век на луѓето

Моментално нема активни 5 Г мрежи во земјава, на дело се спроведува организирана кампања за ширење на лажни вести, рече министерот за информатичко општество и администрација Дамјан Манчевски во 360 степени на Алсат М.

-Имавме кампања дека врапчиња умреле поради 5Г иако таква мрежа нема. Имаше тест-период во декември 2019 кога Телеком тестираше 5Г на ограничена територија, се мереше брзина и проток на информации, како функционира мрежата итн. Во многу земји се јавија сомнежи, како во Белгија, но Брисел ја закочи имплементацијата, додека остатокот од Белгија е покриена со сигнал. Исто е и со Швајцарија – рече Манчевски.

Тој посочи дека министерството усвоило национален оперативен план за воведување на 5 Г мрежите, а Агенцијата за електронски комуникација како регулаторно тело до крајот на годинава требало да распише оглас за доделување на фрекфенции за 5Г.

-СЗО нема извадено ниеден доказ за штетност на овие мрежи. Факт е дека ние цело време сме изложени на различни видови на радиобранови и зрачења. Но, животниот век денес е поголем отколку во времето кога немало вакви зрачења. Тоа укажува дека овие зрачења немаат драматично влијание врз животниот век на луѓето – истакна Манчевски.

Сепак, доколку се појават релевантни научни докази во овој сегмент, тој рече дека ќе бидат преземени соодветни мерки.

 

 

 

Добивајте вести на Viber

18.04.2020 - 11:58

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа