Костадинов: Од Будимпешта абер пристигна, Мицкоски ќе маршира за неправда
Аберот од Будимпешта пристигна, Христијан Мицкоски извршителот на Груевски утре ќе маршира за неправда, рече портпаролот на СДСМ, Костадин Костадинов, на денешната прес-конференција.
– Откако не им успеа обидот преку блокади, закани и уцени во Собранието да го закочат процесот на носење на Законот за Јавно обвинителство, Мицкоски и ВМРО-ДПМНЕ сега ќе протестираат против правдата, против одговорноста, против независното судство – рече Костадинов.
Според него, Мицкоски, Груевски и ВМРО-ДПМНЕ не можат да се борат за правда, бидејќи, како што додаде, тие се бегалци од правдата и се заглавени во криминал.
Инаку, лидерот на ВМРО-ДПМНЕ ги повика граѓаните на протест утре со почеток во 18 часот. Протестот ќе започне пред Јавното обвинителство на кејот на Вардар, а ќе заврши пред Врховниот суд.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа