Внимавајте: Метеоролозите прогнозираат обилни врнежи вечерва

Во текот на денешниот ден и во ноќните часови локално ќе наврнат над 25 л/м2 дожд. Во вечерните часови и утре ќе дува засилен северен ветер (над 70 км/ч), а температурата значително ќе опадне. 

Во четврток ќе биде умерено облачно со повремени сончеви периоди и ветровито, а во северните, североисточните и источните предели во попладневните часови со услови за локални врнежи од дожд. Ќе дува засилен северен и северозападен ветер кој ќе достигне брзина и до 40км/ч. Утринските температури од 4°С до 11°С, а максималните дневни температури ќе достигнат до 12°С до 21°С, Јавува специјализираниот портал за временска прогноза, Weather4all

Во петок ќе биде претежно сончево со локална облачност и ветровито. Ќе дува засилен северен и северозападен ветер, а во западните предели ќе дува слаб северен и североисточен ветер. Утринските температури од 3°С до 10°С, а максималните дневни температури ќе се движат од 14°С до 23°С.