ВМРО- ДПМНЕ: Шилегов откако е градоначалник, за Град Скопје ништо не стори

Зборот за СДСМ не важи, туку секој збор на СДСМ е лага, велат во реакција од ВМРО- ДПМНЕ, на соопштението од СДСМ во кое велат дека Скопје се реконструира.

Од партијата на ВМРО- ДПМНЕ нагласуваат дека Шилегов откако е градоначалник, за Град Скопје ништо не стори.

„Шилегов наместо да работи суштински проекти за граѓаните, тој за проекти ги смета качување на маси по кафеани, ангажирање на  ди-џеи, поместување на автобуска, трчање и мавтање по возила пред молови. Сепак тој е градоначалник за кого најголем дострел е промоција на автобуска постојка и рекламирање како вози тротинет.

Шилегов подеднакво неспособен како и неговиот шеф Зоран Заев. Шилегов е најнеспособниот градоначалник на Скопје и тоа се гледа од далеку, позади себе нема ниту еден сериозен проект.

Шилегов нема капацитет да го води Скопје. Шилегов мора да си замине“ стои во реакцијата.