Тајфунот Вутип се приближува кон Виетнам

Поради приближување на тајфунот Вутип, виетнамските власти евакуираа десетици илјади жители од централниот дел на земјата.

Тајфунот е придружуван од ветрови кои се движат 150 километри на час се очекува денеска да го погоди централниот дел на Виетнам.

Над 8.000 жители од крајбрежните  реони на провинцијата Кванг Три се евакуирани во текот на ноќта. Евакуацијата продолжува и во региони каде се очекуваат поплави и лизгање на земјиштето.

 Се очекува и над 140.000 луѓе од другите четири централни провинции ќе бидат денеска евакуирани.