УПОЗ со кривична за Караџовски заради додатоците за плата

Синдикатот најави кривична пријава за претседателот на советот Зоран Караџовски, а Обвинителството отвори предмет по допрен глас, пренесува Телма.

„Обвинителството ќе ја испитува основаноста на донесените одлуки за исплата на додатоци на плата за членовите на Судскиот совет и извршената исплата. Надлежниот јавен обвинител истражува евентуална кривична одговорност за злоупотреба на службената положба и овластување и нанесена штета на Буџетот на Р. Македонија со исплата на додатоците кои не се пропишани со Законот за плати на членовите на Судскиот совет“.

Скандалозна и незаконска е одлука на Судскиот буџетски совет за ретроактивна исплата на додатоци на плата за септември и октомври, велат од Синдикатот на УПОЗ.

Велат, огромен е револтот на судската администрација која долго време бара покачување на платите и не исклууваат штрајк.

Министерката за правда Рената Дескоска, во однос на одлуката за Судскиот буџетски совет за зголемување на додатоците на платите на судиите и членовите на Судскиот совет, посочи дека тоа е спротивно на сите законски процедури.

– Сакам да потсетам дека законски основ за давање на додатоци на плата има за судиите, но нема за членовите на Судскиот совет. Јавноста знае дека во ситуација кога сами си доделуваат додатоци кои не им следуваат тоа навистина не е само скандал,туку е и противзаконско однесување, нагласи Дескоска.