Игор Југ до Кацарска: Најдете ми католички свештеник за во Шутка

Обвинетиот Игор Југ, пред да стане и да најави дека се откажува од барањето на амнестија, од судијката Добрила Кацарска денеска побара во затворот Шутка да го посети католички свештеник, пренесе СДК.МК.

- „Директорот на затворот Шутка почитувана судијке ми кажа вам да ви се обратам за да ме посети католички свештеник. Па еве ова е моето усно барање до вас“, рече Југ.

- „Игор Југ, не е начин јас и директорот на установата да комуницираме преку вас. Обратете се вие писмено до Основниот суд Скопје 1, па потоа ние ќе ја известиме управата на затворот во Шутка“, му рече Кацарска.