Кацарска: Законот за амнестија е предвреме донесен

 Селективниот закон за амнестија кој ќе опфати поголем дел од обвинетите за „27 април“, се изгласа во Собранието, а набрзо ќе треба да се спроведе и во пракса. Судијката Добрила Кацарска која го води судскиот процес, за Независен весник, изјави дека во законот има многу нејаснотии.

„Ваков закон досега не сме имале. Според мене ниеден факт не е докажен додека не се докаже во постапка, а за тоа треба целосно да заврши процесот. Во оваа фаза не требаше да се носи ваков закон и сметам дека е предвреме донесен“, вели Кацарска, за Независен весник.