Филип Рослер си поднесе оставка

Лидерот на Слободната демократска партија Филип Рослер си поднесе оставка од претседателската функција, јави ДПА.

Таа партија е помал партнер во десноцентристичката коалиција на канцеларот Ангела Меркел. Партијата доби само 4,8 отсто гласови и неуспеа да влезе во парламентот.

– Партијата доживеа тежок и огромен пораз на вчерашните избори, изјави Рослер.

Шефот на партијата во Северна Рајна Вестфалија Кристијан Линднер објави дека планира да се кандидира за лидер на партијата.

– Партијата има потреба од „нови насоки“ и треба да се врати довербата од гласачите, изјави Линднер.