„Ми рекоа дека имам еден час да си ги соберам работите“ - Ким Кардашијан и нејзиното семејство итно евакуирани

Ким Кардашијан морала итно да ја напушти својата вила поради пожар кој изби во Калабасис во Калифорнија.

Старлетата била исплашена, но се снимила од авион и објаснила што се случило.

„Штотуку слетав назад. Имав само еден час време да ги спакувам работите. Се молам за луѓето“, напишала Ким покрај фотографијата од авион на која се гледа како пламти пожарот.

Таа им се заблагодари на пожарникарите кои се трудеа да ги спасат животите на загрозените луѓе.

Според досегашните информација во Калифорнија моментално се активни 14 пожари и се уништени 21.000 ари земјиште.

Илјадници луѓе се евакуирани, државните институции затворени, вклучувајќи ги и училиштата и болниците.