Николоски: Ова е шанса да се направи УМС подобра, како златната генерација која имав чест да ја водам

Потпретседателот на ВМРО-ДПМНЕ Александар Николоски, некогашен предводник на младината на партијата, во заминувањето на дел од раковотството на УМС гледа шанса таа да се подобри. Николоски направи паралела меѓу настаните од изминатите денови и периодот пред победата на ВМРО-ДПМНЕ на изборите во 2006 година, успех за кој според него во голема мера е заслужна тогашната УМС.

„Ова е плакат од првата Годишна Конференција на УМС на ВМРО ДПМНЕ по расколот и реформите во партијата во 2004та, кога партијата се реформираше внесе нов дух во македонската политика и победи на следните парламентарни избори. И тогаш раководството на УМС беше на погрешната страна, со исклучок на еден член на ИК ( Илија Димовски) сите други заминаа од партијата. За мене тоа беше предизвик и шанса да се направи нешто ново. Се направи! УМС стана најбитен дел од партијата и основна причина зашто партијата победи на изборите во 2006. А, таа генерација на УМС која имав чест да ја водам стана златна генерација на ВМРО-ДПМНЕ!

Нешто слично е и сега, со тоа што сега само мал дел од раководството на УМС замина. Тоа е шанса за нови да дојдат и да ја направат УМС подобра, да ја направат организација која ќе ги има одговорите за третата декада од 21от век! Затоа момци и девојки од УМС променете нешто АЈДЕ!

Да живее УМС на ВМРО ДПМНЕ“, напиша Николоски.

 

 

 

01.11.2018 - 15:55

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа