Инцидент во Скопје - сопственик на кафуле избоден со нож

Синоќа во 23:40 часот во Полициска станица Драчево, било пријавено дека во кафе бар на улица „Иван Хаџи Николов“ во Скопје имало пресметка во која учествувале повеќе лица. 

Двесет и три годишниот Р.Е. и 21-годишниот Т.А. двајцата од село Батинци, од една страна и од друга  страна сопственикот на кафе барот Д.С., кој се здобил со тешки телесни повреди нанесени со нож. Со тешки телесни повреди се здобил и А.П.. Двете повредени лица се пренесени во Комплекс клиники „Мајка Тереза" за укажување на лекарска помош. Сторителите се приведени и задржани во полициска станица.