Здружението „Раст“ обвинува: Нема лекови и навремено дијагностицирање

Поради ненавремено дијагностицирање  и  времето поминато на листата за чекање, некои деца не го примаат хормонот за раст, и покрај правото на лекување ,тие се дискриминраат, истакна престедателот на Здружението Раст, Александар Петровски, пренесува ТВ 24.

Тој истакна дека во Македонија, само сто деца со нарушен раст можат да се лекуваат, времето за чекање за лекување е долго и зависи од тоа кога ќе се ослободи место од постојните деца за терапија.

„Овие деца како возрасни ако не се лекуваат имаат зголемена појава на срцеви заболувања, депресии, зголемена тежина, мозочни удари.“ - изјави Александар Петровски.

Растот кај децата започнува уште од моментот кога детето се раѓа во породилната сала и оттогаш почнува и контролата на растот кај детето. Докторите потсетуваат  на светскиот ден за подигнување на свесноста за растот кај децата, и препорачуват, адолесцентите кој имаат комплетен дефицит на хормонот за раст, да продолжат со третманот и во адултната возраст.

„Индикациите се поставени на одделот и во државата ги имаме сите можни типови на хормони за раст, прифатени насекаде.“ - изјави д-р Елена Шукарова Ангеловска.

Првиот човек на Фондот за здравствено осигурување Ден Дончев, најави соработка и маскимална посветеност,  побара и клиниките да одвојат дел од средставта со кој што располагаат.

„Вистинското место за лобирање покрај фонсот не е само фондот, туку и соодветните клиники. Да се најде начин да се одвои поголем дел од сретствата за потребите на децата во сегментот на наменски набавки на одредени лекови и хормони.“ - изјави Ден Дончев.

Од здружението им порачаа на родителите да ја контролираат висината на децата и да побараат од матичните лекари бројот од добиените сантиметри да го внесат во табелата со крива за раст.