Tигар убил чувар во зоолошка

Во германскиот град Минстер сибирски тигар убил еден од чуварите во зоолошката градина.

Пеесет и шест годишниот чувар починал вчера пред очите на посетителите на зоолошката градина. Дивото животно излегло од кафезот бидејќи вратата била отклучена и влегол во просторот каде се наоѓал чуварот, а потоа го фатил за вратот.

Откако го забележале нападот , останатите чувари притрчале и успеале повторно да го затворат тигарот во кафез.Сепак не успеале да го спасат.

 Од германската полиција изјавиле дека во тек е истрага која треба да утврди зошто вратата од кафезот била отворена.