Атанасов: Каде ќе стигнеме ако за стаорци затвараме објекти?

Пукнатини во ѕидовите на пекарницата „Специјал“ како можност за задржување храна што ги привлекува глодачите и несоодветно воден дневник за поставените мамки за глодачи, се пропустите што ги откриле инспекторите при вонредниот инспекциски надзор во пекарницата, каде што беше сликан стаорец на маса. Во интервју за „Макфакс“ и „А1. он“ директорот на Агенцијата за храна и ветеринарство, Зоран Атанасов, образложува зошто нема казна.

„За такво нешто не е предвидено веднаш да се затвора објектот. Каде би стигнале ние ако за такво нешто би ги затворале сите објекти во државата? Таму се наредени мерки, спроведени се и законодавецот е тој што кажува кога што се прави“, рече директорот Атанасов.