Новинарот Зоран Божиновски меѓу осомничените шпиони - се води под името "Луди Милојко"

Вкупно 17 лица се осомничени како дел од групата која од утринава се апси за шпионажа и злосторничко здружување. Меѓу осомничените, кој сеуште е недостапен за полицијата, е и новинарот Зоран Божиновски кој се водел под името "Луди Милојко", дознава Пресс 24.

Меѓу утринава приведените како што веќе објавивме е и поранешниот директор на Агенцијата за перење пари, Бане Цветанов, кој според неофицијалните информации се водел под името "Maчор".

Според последните информации, организираната група во која биле  и шефот на кабинетот на собранискиот спикер, режисерот од Контрабанда и неколку поранешни разузнавачи, работела за повеќе странски служби. Членовите на групата поседувале цели архиви на класифицирани документи, со кои ја шпионирале државата и уценувале поединци. Меѓу себе биле координирани од своевидна паралелна служба.

Во моментот траат претреси на повеќе локации во Скопје. Во секој момент се очекува МВР да излезе со официјални информации.