Почина познатиот шпански актер и пејач

Актерот и пејач, Еду дел Прадо почина во 41. година од воспаление на белите дробови предизвикани по тешка болест, пишува Хафингтон пост.

Дел Прадо беше познат по улогата на Цезар во серијата „Чекор напред“ и учество во групата „УПА Денс“ која ја сочинуваше екипата од серијата.

Кариерата ја продолжи во шоубизнисот, а беше член на жирито и и ментор во пејачките натпреварувања како што се „Глас“, „Академија на ѕвезди“…

Колегите од серијата со него се збогуваа на социјалните мрежи, меѓу нив беа Моника Круз, Мигел Анхел Муњоз и Беатрис Луенго.