Љупчо Балкоски од ВМРО-НП нов директор на Проектната единица во Министерството за здравство
Љупчо Балкоски од ВМРО-НП е назначен за директор на Проекната единица задолжена за капиталните инвестиции во здравствениот систем, потврдуваат за Макфакс од министерството за здравство.
Балковски доаѓа на местото на Јован Грповски кој важеше за близок човек до поранешниот министер за здравство, Никола Тодоров.
Новиот директор на Проекната единица при министерството за здравство беше и Министер за транспорт и врски од 2000 до 2002 година во Владата предводена од тогашниот премиер Љубчо Георгиевски. Балкоски е втор од ВМРО-НП кој добива функција во оваа владина гарнитура по Ден Дончев, директорот на ФЗОМ.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
