Османи: Албанците во Македонија целосно определени за НАТО

Секоја промена на граници на Балканот ќе има домино ефект, поради што е неприфатливо да се разговара на оваа тема. Ова го истакна Бујар Османи во интервју за албанската телевизија „Клан“, во емисијата „Опинион“.

Тој вели Нато е единствена гаранција за безбедноста и стабилноста на Македонија, па Албанците во Македонија се цврсто определени земјата да стане членка на алијансата.

- „Никогаш не биле поблиску преговорите за надминување на проблемните со името со Грција“, истакна Османи.

Во врска со Законот за јазиците во Македонија, Османи во интервјуто рече дека се очекува идната недела да се надмине актуелниот грч кој наиде на вето кај Иванов.

- „Со усвојувањето на законот, конечно ќе се исполнуваат сите обврски кои се предвидени со Охридскиот договор“, исткна Османи.

На прашањето дали има верски радикализам во земјата, Османи истакна дека нема отворен верски радикализам и додаде дека е опасно ако политичкото организирање се врши врз основа на верата.