Дополнителни елементи во нацрт-договорот - Коѕијас наскоро во Скопје
Грчкиот министер за надворешни работи Никос Коѕијас синоќа на неформален состанок на Владата во Атина ги претставил клучните аспекти од нацрт-договорот што ќе им биде доставен на властите во Скопје.
Коѕијас, како што објавува грчка „Иефмерида“, ги презентирал и новите елементи кои дополнително биле додадени во нацрт-документот, пренесува МИА.
Според извори во грчкото МНР, Коѕијас би можел следната недела да допатува во Скопје за да го достави нацрт-договорот. Грчката страна во меѓувреме сака да спречи делови од содржината на документот да протечат во јавноста, како и да избегне дипломатските консултации да се префрлат на насловните страници во медиумите. За таа цел, Коѕијас лично ќе му го достави грчкиот Нацрт-договор на шефот на македонската дипломатија Никола Димитров.
Главна пречка, како што истакнува „Иефмерида“, останува барањето за промена на македонскиот Устав како гаранција на договорот за името.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа