Обама пристигна во Стокхолм

Американскиот претседател Барак Обама денеска пристигна во еднодневна посета на Стокхолм, од каде ќе замине на средбата на врвот на Г-20 во Санкт Петербург.

На Обама ова му е прва посета на Шведска откако е избран за претседател на САД. Тој за време на претојот ќе оствари средба со шведскиот премиер Фредрик Рејнфелд и со кралот Карл Густав, а предвидена е и вечера со лидерите на северноевропските земји Норвешка, Исланд, Финска и Данска. Американскиот претседател во текот на разговорите ќе се фокусира на глобални проблеми од заеднички интерес, како што се климатските промени, трговијата и технологиите.

Белата куќа ја организира посетата на Обама на Стокхолм откако американскиот претседател ја откажа средбата во Москва со рускиот колега Владимир Путин поради одлуката на Русија да му даде азил на поранешниот соработник на ЦИА Едвард Сноуден.