Ако има референдум 64% од Македонците се за во ЕУ, 66% за НАТО

 

Доколку утре би се одржал референдум за влез на Македонија во ЕУ, 64,2 отсто од македонските граѓани одговориле „за“, додека на истото прашање за влез во НАТО, 66 проценти се изјасниле потврдно.

Ова го покажуваат резултатите од анкетата на Институтот за политички истражувања (ИПИС), направено во периодот меѓу 16 и 21 декември 2017 година, на примерок од 1.113 полнолетни испитаници од РМ.

Вкупно 45,4 отсто од анкетираните македонски граѓани сметаат дека односите со Грција во иднина ќе се подобрат, додека 15,5 проценти сметаат дека ќе се влошат. На прашањето за влез на Македонија во ЕУ, против се изјасниле 18 отсто, додека со „не знам“ одговориле 17,8 проценти од испитаниците.

За споредба, на истото прашање во 2016 година, 66,9 проценти биле за влез во ЕУ, додека против 24,8 отсто. Доколку утре има референдум за влез на земјата во НАТО, против се изјасниле 15,3 отсто, додека со „не знам“ одговориле 18,7 проценти од испитаниците.

На истото прашање во 2016, 70,7 биле за влез во Алијансата, а против 21,4 отсто.

На прашањето како би ги оцениле моменталните политички односи меѓу Македонија и Грција, 20,9 посто одговориле добри, 31,7 посто дека се лоши.

 

 

 

11.02.2018 - 12:50

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега