Мицкоски и Ѓорчев на молитвен појадок организиран од Трамп по Вашингтон
Претседателот на ВМРО-ДПМНЕ, Христијан Мицкоски денес заедно со членот на Извршниот Комитет, Влатко Ѓорчев, присуствуваше на 66-тиот молитвен појадок кој во Вашингтон беше организиран од претседателот на САД, Доналд Трамп.
-Настанот беше искористен за разговори со повеќе претставници на Белата Куќа, сенатори и конгресмени, како и влијателни политичари од целиот свет, со цел јакнење на стратешкото партнерство со САД и потврдување на заедничкото пријателство како и лобирање за интересите на Македонија и афирмирање на целта за членство во НАТО, информираат од партијата.
Истовремено, можноста за разговори беше искористена за воспоставување на контакти на ВМРО-ДПМНЕ, објаснување на позициите по клучните прашања и пренесување на загриженоста за повеќе актуелни политички и економски состојби во Република Македонија, пред се поврзани со недостатокот на дијалог власт -опозиција за повеќе клучни прашања, политички мотивираните притисоци и економската стагнација која се одразува на стандардот на граѓаните, се наведува во партиското соопштение.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа