Говорот на Иванов ги раскара ДУИ и СДСМ: Груби да не се прави патриот со сила

Тивка војна тлее меѓу СДСМ и ДУИ во албанскиот политички блок. Кандидатот на СДСМ за градоначалник на Липково Хади Османи преку социјалните мрежи реагираше на критиките кои пратеникот на ДУИ, Артан Груби ги испрати на адреса на Претседателот Ѓорѓе Иванов по повод неговото годишно обраќање во Собранието, пренесе Алмакос.
„Вие и Вашите соработници немате право да го критикувате Груевски, Мијалков или Иванов. Иванов го критикуваат Албанците од СДСМ кои го урнаа режимот на ВМРО-ДПМНЕ.
Албанците не веруваат на вашите зборови против ВМРО-ДПМНЕ бидејќи знаат дека со сила се правите патриот“ – напиша Османи