Вооружен грабеж на банка во Охрид
Вооружено маскирано лице денеска извршило грабеж во банка во Охрид
Според полициското соопштение, разбојникот во 10 часот и 47 минути со оружје во рака и капа на главата влегол во филијалата на „Силк роуд банка“ лоцирана на пресекот на булеварот „Македонски просветители“ и улицата „Димитар Влахов“ во Охрид.
Притоа тој пришол до шалтер на банката и од вработените побарал да му бидат предадени сите пари. Банкарските службеници на непознатиот сторител му предале околу 50 илјади денари, по што разбојникот излегол низ влезната врата и заминал во непознат правец.
На местото на настанот извршен е криминалистичко-технички увид под водство на јавен обвинител и полициски екипи, а службеници на Секторот за внатрешни работи Охрид преземаат мерки за пронаоѓање на сторителот на казненото дело „разбојништво“.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа