Павлопулос: Соработка за зацврствување на мирот и безбедноста на Балканот
Грчкиот претседател Прокопис Павлопулос во интервју за Политика вели дека сака продолжување на соработката за зацврствување на мирот, безбедноста и на доследно спроведување на меѓународното право на Балканот.
Тој испрати порака до соседите дека пријателството и добрососедските односи зависат само од искреното исполнување на обврските.
- Кога станува збор за Македонија јасно е дека се додека таа инсистира на користење на името кое 'освен што е предизвикувачко фалсификување на историјата, повлекува со себе и иредентизам', сама ја поткопува својата европска перспектива, нагласува Павлопулос.
Слична е и пораката од Грција до Албанија.
– Кога се прават дела спротивни на европските правила, како што е неодамнешното сурово кршење на основните човекови права и особено правата на имот, нашиот сосед ја поткопува својата европска перспектива, нагласи Павлопулос.
Весникот додава дека тоа се однесува за уривање куќи на припадници на грчко малцинство.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа