Еден милион деца ја напуштиле Сирија

Бројот на деца принудени да ја напуштат Сирија достигна милион, цифра што е половина од сите бегалци кои заминуваат во странство заради конфликтот. Други два милиона неполнолетни од Сирија остануваат во татковината и често се напаѓани или врбувани за борци со што прекршуваат меѓународни закони, изјавија Антониу Гутериш, шеф на УНХЦР и Ентони Лејк, директор на УНИЦЕФ.

Според Гутериш, младите во Сирија ги губат домовите, роднините и иднината.

– Дури и да се вон граница, тие се трауматизирани, потиснати и имаат потреба за помош за да не ја загубат надежта, вели тој во изјава.

Речиси два милиона сириски бегалци од Сирија се во Турција, Либан, Ирак, Јордан и Северна Африка според УНХЦР.

Според Лејк, во судирите во Сирија досега жртви се околу 7.000 деца од вкупно 100.000 жрттви.

– Милион деца бегалци не е само бројка. Сите ртеба да се засрамиме бидејќи додека работиме, за да ги намалиме страдањата на погодените од кризата, меѓународната заедница искажува немоќ со одговорноста за тие деца, изјави Лејк.