Изгаснат пожарот на Водно
Пожарот што попладнево избувна на Водно е локализиран, а противпожарните единици работат на негово целосно гаснење, иинформира командантот на Територијалната противпожарна единица на Град Скопје Ѕвонко Томевски.
На терен се четири противпожарни возила и возила на ЈП „Комунална хигиена“ кои помагаат за дотур на вода.
Според Томевски, огнот зафатил површина од четири до пет илјади метри квадратни.
Пожарот избувнал околу 15:00 часот. Причините за избувнувањето се уште не се познати.
24.08.2017 - 17:17
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
