Македонија е посветена на градење добрососедски односи со Србија
Влада на Република Македонија не носејќи избрзани заклучоци ги поздравува најавите од официјален Белград за заштита на пријателските односи и за враќање на состојбите во вообичаени рамки, се наведува во соопштението од владината прес-служба.
Република Македонија, како што се посочува, развива пријателски односи со сите соседни земји.
- Новата Влада на Република Македонија е цврсто посветена и презема интензивни чекори во насока на решавање наспроти создавање проблеми, унапредувајќи ги добрососедството, соработката и партнерството со Република Србија, како и со другите земји од опкружувањето. Убедени сме дека тоа е единствениот начин регионот одлучно да зачекори напред, истакнуваат од Владата на РМ.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа