Деветгодишно детенце остана без рака по автобуската несреќа во Велес - почина жена

Жена почина, детенце остана без рака, многумина се повредени и пренесени во болница. Ова е епилогот од сообраќајната несреќа која денеска попладне се случи кај Велес, кога автобус со грчка регистрација се враќал од Грција. 

Како што информира Д-р Илир Хасани, управител на Ургентниот центар на скопските клиники за Сакамдакажам, донесени биле 14 пациенти, меѓу кои и дете на возраст од девет години, кое за жал ја загубило раката.

- “Детето е препратено на Клиниката за детска хирургија. Двајца пациенти беа примени на одделот за Интензивна нега, за жал еден од нив подлегна на повредите. Тоа е жената која прва беше донесена, со повреди на натколеница, потколеница и подлактица и со повреди на белиоте дробови. Вториот пациент исто така е во критична состојба, со сериозни повреди на градниот кош, нагмечување на ребрата, клучна коска, и крварење во белите дробови“, вели д-р Хасани.

Инаку, на деветгодишното детенце за жал му е ампутирана раката. Двајца пациенти се на неврохирургија.

За потсетување, автобусот излета околу 19 часот.