Кои се првите петмина кандидати за градоначалници од ВМРО-ДПМНЕ?

Марјан Бајрактаров орален хирург за Струмица, за Петровец Борче Митревски, Славчо Чадиев за Велес, Тони Затковски за Кривогаштани и Зоран Ѓорѓиевски за Куманово се кандидатите за градоначаници со кои ВМРО-ДПМНЕ ќе излезе на локалните избори во овие општини.

Кандидатот за градоначалник на Општина Струмица од ВМРО-ДПМНЕ, Марјан Бајрактаров е роден 1965 година во Струмица.

Потекнува од скромно семејство во кое се почитуваат традиционалните вредности.

Татко му, Александар Бајрактаров е познат гинеколог, мајка му Драгица работи во градска аптека како аптекар.

Основно и средно образование завршува во Струмица. Дипломира на стоматолошки факултет во Скопје а подоцна специјализира орална хирургија.

Марјан Бајрактаров е семеен човек. Во брак е со Силвана Бајрактарова ( јавен обвинител во јавното обвинителство во Струмица). Имаат две деца Ангела и Александар.

Марјан Бајрактаров има своја приватна здравствена установа специјалистичка ординација по орална хирургија и сопственик е на пицерија ЕЛИЗАБЕТ.

Со своето повеќе годишно искуство во областа на оралната хирургија и во областа на угостителството, докажан е како стабилна и одговорна личност, со многу разбирање и чувство за луѓето околу себе.

Важи како човек кој ги прифаќа предизвиците на новото време и постојано вложува во своето лично и професионално надоградување и усовршување.

Во периодот од 2005 до 2007 година е претседател на општинскиот комитет на ВМРО-ДПМНЕ Струмица.

Од 2009 до 2013 година е член на советот на Општина Струмица.

Член е на Централниот Комитет на ВМРО-ДПМНЕ и активно учествува во политичкиот живот во општината.

Градоначалникот на општина Петровец Борче Митевски поради големата поддршка од граѓаните ќе се бори за трет мандат на локални избори кои ќе се одржат на 15-октомври.

Борче Митевски е роден 1961 година. Дипломирал на Факултет по бизнис администрација, а се стекнал со називот дипломиран економист.

Од 1980 до 1993 година работел во ЗЕМ промет-Маркентинг контрола, од 1993 до 2008 година работел во ЈПАУ Македонија  – Аеродром Александар Велики.

Митевски во својот работен век има стекнато повеќе сертификати, лиценци од посетувани курсови. Митевски голема љубов покажува и кон спортот и спортските вештини, кошарка и бокс.

Митевски е фамилијарен човек, женет и татко на две деца.

Во својот мандат како градоначалник на општина Петровец, Митевски има направено значајни проекти од кои најголем број се за потребите на граѓаните на општината.

Дел од проектите кои Митевски ги реализирал во својот мандат се изградба на плоштад во населено место Катланово, изградба на колекторски систем за населено место Ржаничино, Реконструкција на селска улица во населено место Огњанци, Изградба на систем за водоснабдување за село Средно Коњари, Изградба на колекторски систем за населено место Петровец, Изградба на улица во населено место Катланово, Изградба ба ОУ Кочо рацин во нм Петровец, изградба на фекална канализација во н.м. Петровец, изградба на улица во с. Сушица, Изградба на улица во с. Горно Коњаре, изградба на мешовита канализација за атмосферски и прочистени отпадни води во Мултифункционална зона Ќојлија, изградба на улица во населено место Ржаничино (деловен објект Транс Логистик),  Изградба на улица во населено место Огњанци (кај црква Св. Илија), изградба на улица во с. Бадар (кај црквата), изградба на водоводна мрежа, за блок 6, во населено место Ржаничино, изградба на локален пат во населено место Петровец – Гробишта, изградба на детски забавен парк во н.м. Петровец,  реконструкција на културен дом н.м. Катланово, изведба на приклучок на фудбалско игралиште во н.м. Средно Коњари на водоводна мрежа, асфалтирање на улица ,,Индустриска број 9,, во мултифункционална зона Ќојлија, асфалтирање на улица во с. Брезица, изградба на фекална канализација по улица број ,,4,, во н.м. Петровец, изградба на улица во населено место Петровец, кај фудбалскиот стадион и многу други проекти.

Поради големата поддршка од жителите на општина Петровец би реализирање на голем број проекти, Борче Митевски ќе се трка и на овие локални избори за трет мандат.

Митревски со своето долгогодишно во неколку наврати истакнуваше дека цела енергија и сила ја црпи токму од довербата и поддршката на неговите сограѓани  и дека секој ден се повеќе и повеќе се труди општина Петровец да ја направи најубавата скопска општина преку реализирање на голем број проекти како за повозрасните така и за помладите генерации кои живеат во Петровец.

Актуелниот градоначалник на општина Велес, Славчо Чадиев e роден 1959 во Велес.

Основно и средно училиште завршува во својот роден град Велес. Дипломира на Дефектолошкиот факултет во Белград. Потоа, го продолжува своето школување во Р. Македонија на универзитетот Кирил и Методиј при филозофскиот факултет и се стекнува со називот магистер – Сурдолог.

Пред да го изберат за градоначалник на Велес, Чадиев работел во ЈЗУ Општа болница, ОРЛ одделение.

Потпретседател е на Сојузот на дефектолози на Македонија, долгогодишен соработник на Сојузот на глуви и наглуви , како и на Заводот на глуви лица на Република Македонија. Чадиев поради посветеноста кон својата професија, сакајќи да им помогне продолжува со активностите и во подружницата на Сојузот на глуви и наглуви и Сојузот на слепи лица во Велес.

Чадиев член е во ВМРО-ДПМНЕ уште од 1990 година. Подоцна станува претседател на Општинскиот комитет на ВМРО-ДПМНЕ во Велес. Во 2005 и 2009 се наоѓа на советничката листа на локалните избори и станува Претседател на Советот на општина Велес. Во 2013 година на локалните избори , граѓаните го избираат Чадиев за Градоначалник на општина Велес.

Со огромна разлика го победува спротивниот кандидат и станува татко на градот Велес.

Чадиев е оженет и татко на две деца. Тој одлично зборува англиски јазик.

Чадиев покажува голема љубов кон риболовот, а посебен акцент става на карате вештините со која претходно се занимавал.

Од 2013 година до денес Чадиев се  покажа како одличен градоначалник а во својот мандат реализираше 370 проекти, иако во својата изборна програма вети 117 проекти.

Дел од проектите кои ги реализираше во својот мандат се, нов режим на сообраќај со кружни текови, изградба на индустриска зона Караслари, реконструкција на локален пат Јазла – с. Иванковци, довршување на проектот за изградба на нов објект наменет за потребите на Театар Џинот, реконструкција на СОУ гимназија Кочо Рацин, изградба на двоен терен за  тенис, а започнат е проектот за изградба на покриен пазар, туристички локалитет езеро Младост, реконструиран е и градскиот стадион, изграден  нов паркинг простор на потегот Мало мовче – Стар мост, изграден е нов парк пред ООУ Васил Главинов, а изграден е и пешачки мост во близина на општината.

Чадиев во период од 4 година во својот мандат, реализираше и 172 проекта од патна, водоводна и канализациона инфраструктура. Исто така изградени се 38,7 километри улици и патишта.

За подобрување на наставата во основните и средните училишта направена е и реконструкција на училиштата во општина Велес, а изградени се три нови.

Општина Велес или како што е позната уште и по статусот Град на културата е позната по многу бројните културни манифестации кои директно се поддржани од градоначалникот Чадиев. Во Велес во просек секоја година се одржуваат до 100 настани од културата.

Според Чадиев да се биде градоначалник на Велес, градот во кој го поминал целиот животен век досега, градот во кој е роден е вистинска чест и привилегија, но и голема одговорност.

Водејќи се секогаш од интересите и потребите на Велешани, неговата цел од е Велес да го направи град според мерка на велешани. Да се овозможи во Велес да растат и работата граѓани кои што својата иднина и иднината на своите деца ќе ја градат во Велес.

Чадиев истакна дека во првиот мандат се направило многу за градот и граѓаните, но верува дека има уште многу работи кои можат да се променат на подобро.

Црпејќи сила и енергија од големата поддршка од страна на граѓаните, Чадиев ја прифаќа кандидатурата за уште еден мандат, со силно верување дека Велес и понатаму ќе биде град во кој ќе се реализираат уште многу проект се со цел задоволување на потребите и интересите на граѓаните.

Во трката на предстојните избори  локални избори, ВМРО-ДПМНЕ и „Колицијата за Подобра Македонија” за општина Кривогаштани ќе оди со актуелниот градоначалник Тони Заткоски.

Toни Заткоски е роден во општина Кривогаштани,човек кој има завршено  факултет за безбедност и по професија е дипломиран криминалист.

Од 1994 година  работи во Министерството за внатрешни работи,каде за време на работниот стаж,континуирано напредува во кариерата.Во периодот од 2007 до 2013 година бил на функција началник на Управата за безбедност и контразузнување во Прилеп.Затковски во својата кариера многу пати е наградуван како успешен работник и има добиено голем број на сертификати за неговата ангажираност и професионалност.

Актуелниот градоначалник Тони Затковски важи за комуникативна личност,човек близок до народот, градоначалник кој во изминатиот период  секогаш излегуваше во пресрет на   актуелните проблеми на граѓаните во Општина Кривогаштани. Тој е оженет човек и татко на две деца.

Под негово раководство Општина Кривогаштани доживеа инфраструктурна преродба и стана е поурбана општина.

Во 2013 година Тони Затковски е избран за градоначалник на на Општина Кривогаштани,каде  под негово водство  општината добива забрзан инфраструктурен развој.Нови улици,патишта,канализациони мрежи,мултифункционални игралишта,реновирани училишта се само дел од капиталните и инфраструктурни проекти кои во изминатиот период беа реализирани.

Во периодот од 2013 до 2017 година градоначалникот Тони Затковски во Општина Кривогаштани има реализирано преку 112 проекти кои беа ветени во програмата,но и  голем број на  проекти кои не беа ветени,но сепак најдоа своја реализација.

Оваа се само дел од проектите кои се реализираа:

-Изградена е индустриска зона во с.Славеј со површина од 6,6 хектари и во зоната веќе  се продадени  сите парцели на фирми кои се занимаваат со индустриско производство;

-Изградена е спортска сала во ОУ ,,Манчу Матак” во Кривогаштани,проект вреден  24 милиони денари;

-Направена е коплетна реконструкција и реновирање на подрачното училиште  во с.Годивле,проект вреден 4 милиони денари;

-Реновирана е фасадата во ЦОУ Јонче Смугрески во Обршани,проект вреден 200 000 денари;

-Реновирано е  основното училиште во с.Славеј,проект вреден 3 000 000 денари;

-Реконструкција на старата училишна зграда зграда во Кривогаштани,бесплатен интернет во  сите училишта и  безброј други проекти во корист на младите и учениците;

-Изграден е јавен паркинг  до сточното пазариште во Кривогаштани со кој се реши проблемот на паркирање на возила во пазарен ден,вредност на проектот 3.930.000 денари.

Партерно уредување на плоштадот пред општинската зграда,вредност на проектот 4 000 000 денари,

Реконструкција на здравствениот дом во  Кривогаштани,вредност на проектот 3000 000 денари.

Во делот на патната инфраструктура,реконструиран е регионалниот пат Кривогаштани-Воѓани во должина од 9 км,реконструкција на регионалниот  пат Обршани-Боротино во должина од 3 км,изграден е локален пат Пашино-Рувци-манастир Св.Ѓорѓија,изграден е  дел од улицата Македонски Просветители(крак до улицата Илинденска);

-Изграден е пат Пашино-Рувци,извршена е реконструкција на локалниот пат с.Кореница-с.Годивле од 1 км;

Изградени се улиците ,,Никола Карев”, дел од улицата ,,Македонски Просветители”,улица ,,Илинденска”,улица Бела Црква и Воѓани во Кривогаштани,дел од улицата во с.Славеј во должина 130 м,улица во с.Крушеани во долѓина од 207 метри и уште многу други.

Актуелниот градоначалник Тони Заткоски како кандидат на ВМРО-ДПМНЕ за предстојните локални избори,трката за уште еден мандат ја започнува со многу  вакви реализирани проекти.

Доктор Зоран Ѓорѓиевски, хирург и актуелен пратеник во Собранието, поранешен член на ИК на ВМРО-ДПМНЕ, е кандидат за градоначалник на Куманово од ВМРО-ДПМНЕ и ,,Коалицијата за Подобра Македонија”.

Актуелниот пратеник  Зоран Ѓорѓиевски завршува високо образование на  Медицинскиот факултет во Ниш во 1985 година,каде после  завршувањето работи во Кумановската болница како лекар.Од 1994 година добива специјализација во Државната болница во Скопје,а во 1998 година станува специјалист по Општа Хирургија.

Ѓорѓиевски во 2001 година станува Шеф на Хирушкиот оддел во Куманово се до 2010  година, кога станува Началник на Хирушкиот оддел.

Зоран Ѓорѓиевски е оженет човек и татко на  две полнолетни  деца.

Во 2013 година Зоран Ѓорѓиевски е избран за член на Извршен Комитет  во ВМРО-ДПМНЕ.

Од  2014 до  ден денес Зоран Ѓорѓиевски е актуелен пратеник од Редовите на ВМРО-ДПМНЕ во Собранието  на Република Македонија.

Ѓорѓиевски како докажан професионалец и врвен стручњак во својат област е член на Европското Друштво за Траума и Итна Хирургија и на Меѓународното Здружение за лечење на хронични рани.

Зоран Ѓорѓиевски е  врвен професионалец кој во текот на својата кариера има успешно лекувано и оперирано многу луѓе.Благодарејќи на   неговата стручност и компетентност,животно и работно искуство и голем број на хирушки интервенции кои ги има направено, одделението за хирургија во Општата Болница во Куманово важи за  едно најстручните и кадровски најекипирани  хирушки одделенија во регионот.

Во Собранието Зоран Ѓорѓиевски  има активно учествувано во поднесување и изработка на многу предлог  закони  меѓу кои се, и законот за докторска дејност со кој се предвидуваа плати за специјалисти од 100 000 денари, и плати за општи лекари од 56 000 денари.

Зоран Ѓорѓиевски како дел од пратеничката група на ВМРО-ДПМНЕ,еден од главните иницијатори   за изградбата на нов Клинички Центар  во Куманово,проект за кој се обезбедија средства и започна со изградба во време кога ВМРО-ДПМНЕ беше на власт.

Инаку, вчера генералниот секретар на партијата Христијан Мицкоски, истакна дека дека изборот на кандидати на ВМРО-ДПМНЕ за локалните избори се темели на професионалните и лични карактеристики на кандидатите, нивната одговорност и посветеност кон работата, поддршката која што ја имаат меѓу граѓаните во општините во коишто живеат, како и угледот и кредибилитетот кој ќе гарантира спроведување на една одлично подготвена и сериозна програма наменета за таа општина.

-Нашите градоначалници ќе работат посветено и одговорно кон сите реални секојдневни потреби на граѓаните. Во тоа бидете убедени, нашите дела, конкретни мерки и проекти и досега се реализираа на државно и локално ниво, и се доказ дека само работата е таа која што движи напред и која што може да придонесе кон подобро утро. И вие знаете дека на нас секогаш можете да се потпрете, заклучи вчера Мицкоски.