Топло и сончево но еве до кога- временска за цела недела
За изминатите 24 часа до 08 часот највеќе дожд наврнало во Дебар 3 литри на метар квадратен и 1 во Гевгелија.
Времето денес ќе биде сончево и топло со мала до умерена локална облачност. Попладне во западните делови ќе има услови за појава на краткотраен дожд и ретки грмежи. Ќе дува слаб до умерен североисточен ветер, кој на североистокот повремено ќе засилува. Максималната температура ќе биде во интервал од 30 до 37 степени. УВ=8
До сабота ќе се задржи претежно сончево и топло време со дневни температури кои во најголем дел од земјава ќе се задржат во рамките на просекот за овој период од годината. Топло ќе биде и во недела, но во попладневните часови ќе има зголемување на облачноста, а кон крајот на денот оваа облачност ќе биде проследена со поројни врнежи од дожд со грмежи. Позначителна промена на времето се очекува во понеделник кога ќе преовладува облачно време со локални врнежи од дожд и засилен северен ветер, а дневната температура значително ќе опадне.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
