Голем пожар кај село Требовле, жителите бараат помош од институциите
Голем пожар беснее во атарот на поречкото село Требовле, кое се наоѓа на 20-тина километри после Самоков. Селото, во кое живеат неколку жители и има голема викенд населба, го демне опасност од целосно уништување, бидејќи веќе 4-ти ден жителите сами се борат со огнената стихија, а со тоа и нивните животи се во голема опасност.
По голем број апели до надлежните институции, утрово биле испратени само неколку авиони кои помогнале во гаснењето на пожарот, но како што сведочат селаните, кои молат за помош, авионите веќе ги нема, а пожарот почнал да се шири со огромна брзина и освен опасност да го проголта целото село, голема е веројатноста да се прошири и кон резерватот Јасен. Затоа жителите ги молат институциите за помош.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
