Сончево и многу топло утро а попладне дожд и грмежи

Времето во Македонија ќе биде сончево и многу топло. Попладне ќе дува северозападен ветер, кој на север и долж Повардарието ќе засилува. Претежно во североисточните делови ќе има услови за нестабилност со краткотраен пороен дожд и грмежи.

Утринската температура ќе се движи од 14 до 20, а дневната од 30 до 39 степени. УВ-индексот ќе има вредност 9.

Во Скопје слично време, сончево и потопло. Утринската температура ќе се спушти до 20, а дневната ќе достигне до 37 степени.

Од петок попладне, преку ноќта и во сабота времето ќе биде нестабилно со пороен дожд, грмежи и повремено засилен ветер претежно во источните и јужните делови.

Во недела во претпладневните часови врнежите ќе завршат, а овој ден ќе биде најсвеж во периодов со температура која на повеќето места нема да надмине 30 степени. Од понеделник температурите повторно благо ќе се покачуваат.