Утрово уште еден силен земјотрес ја стресе Македонија

Нов земјотрес пред неколку минути е регистриран на тлото во Македонија. Потресот бил со јачина од 3,7 степени по Рихтер, со епицентар на 4 километри од Јанковец, и 7 километри од Ресен. Потресот бил на длабочина од 2 километри.

Ова е еден од посилните потреси кои веќе со денови ги паничат граѓаните. Вчера во Охрид се спиеше под отворено небо, граѓаните се плашат да се ратат во домовите.

За само неколку дена има повеќе од 1.000 потреси на тлото. Најсилниот беше вчера и беше почувствуван со пет степени по Рихтер.