Мушараф обвинет за убиство на Беназир Буто

Поранешниот пакистански претседател Первез Мушараф беше обвинет официјално за убиството на експремиерот Беназир Буто во 2007 година.

– На Мушараф ќе му се суди, изјави обвинителот Мохамед Азхар по седница на Судот во градот Равалпинди.

Против Мушараф се подигнати три обвиненија – за убиство, заговор за убиство и помагање на убиство. Мушараф не ги коментираше наводите на Обвинителството.