Важна вест за возачите

На граничните премини нема подолги задржувања за влез и за излез од Македонија, соопшти АМСМ.

Сообраќајот на државните патишта се одвива по суви коловози, а интензитетот надвор од градските средини е умерен.

Се препорачува внимателно возење, прилагодена брзина на движење и почитување на поставената сообраќајна сигнализација.

Според АМСМ, во клисурите и засеците е можна почеста појава на одрони, особено на патните правци: Кочани – Македонска Каменица – Делчево, Виница – Берово, Гостивар – Стража, Маврово – Дебар – Струга, Демир Капија – Удово, Катланово – Велес, Крушево – Демир Хисар и Ресен – Буково.