Училиштетo Илинден од Крива Паланка наскоро во ново руво
Во ООУ Илинден, Крива Паланка во тек се неколку инфраструктурни зафати, а паралелно со нив се молерисува и ентериерот на училишната зграда.
Се реновира и уредува постојната канцеларија за наставниците во централниот училишен објект, во завршна фаза е реконструкцијата на потпорната стена зад училиштето која се сруши поради обилните врнежи на почетокот од летото, а ќе се гради и трем со клупи во училишниот двор, наспроти службениот влез.
Директорот Оливер Дејановски рече дека активностите се финансираат од буџетот на училиштето, а ги реализираат вработените, со што се врши дополнителна заштеда на средства.
Во претстојниот период е предвидено и поплочување и обележување на паркингот пред училишната спортска сала, а сите зафати се очекува да завршат пред почетокот на новата учебна година.
ФОТО: wikimapia.org