Јовановски: Главната причина за протестот е јазикот

Главната причина поради која излегуваме на улица е јазикот, смета актерот Крсте Јовановски.

-Главната причина поради која мислам дека излегуваме е јазикот, јазик кој е уникатен, единствен во светот, преку кој комуницираме, и сега некој во име на некој документ сака тоа да го снема?, истакна Крсте Јовановски во „Отвореното студио“.

-Ако луѓето од другата страна велат дека нема ништо спорно во платформата, тука се поставува прашањето, ако нема ништо спорно – зошто е уцена?, додаде Јовановски.

Тој посочи дека ако таа платформа нема ништо опасно, зошто луѓето кои сакаат да создадат Влада, коишто чекаат мандат од претседателот ја кријат од народот?

Крсте Јовановски и Коле Манев гостуваа во „Отвореното студио“ со Анита Петровска Рајковиќ на тема „Кога опстојувањето зависи од политиката“.