Ограбена катната гаража Тодор Александров во Скопје

Вчера во 15.30 часот во Полициската станица Центар, вработен во Градски паркинг-Скопје пријавил дека ноќта непознат сторител извршил тешка кражба во катната гаража „Тодор Александров“, лоцирана на улица „Даме Груев“. 

Сторителот насилно ги отворил  противпожарните складишта и од истите одзел деведесет гумирани црева, педесетидве млазници и пет цевки за млазници.

Се преземаат мерки за пронаоѓање на сторителот и за целосно расчистување на случајот.