Зборуваат на мобилен и летаат на црвено - летаат казни за несовесни скопјани
Пет сообраќајни несреќи со причинета материјална штета се случиле во текот на вчерашниот ден во Скопје.
Според евиденцијата на СВР Скопје, вчера сообраќајната полиција санкционирала тројца возачи кои поминале на црвено светло на семафор, тројца се движеле со брзина поголема од дозволената, двајца не отстапиле првенство на минување на пешаците на обележан пешачки премин, 17 возеле без возачка дозвола, односно нерегистрирано, како и 13 возачи кои не користеле сигурносен појас или користеле мобилен телефон. Затекнати се и 36 непрописно паркирани возила.
Со специјалното возило „пајак“ отстранети се 48 возила.
Утре со почеток во 17 часот во Спортскиот центар „Јане Сандански“ во рамки на АББА лигата ќе се одигра меѓународен кошаркарски натпревар помеѓу МЗТ „Аеродром“ и „Мега Лекс“, Република Србија. Со цел непречено и безбедно одвивање на сообраќајот се најавува дека сообраќајната полиција ќе преземе соодветни мерки за сообраќајно обезбедување.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
