Поранешни функционери обвинуваат: СДСМ со Заев го изгуби и идентитетот

СДСМ особено на претходните избори, а сега уште повеќе се обидува да се ребрендира преку различен тип на владеење, што лично ми наликува на авторитарно.  Мислам дека опозицијата си ги скуси демократските капацитети, па лесно од тоа ребрендирање можете да влезете во дебрендирање, а токму тоа е она што ме загрижува, изјави поранешната пратеничка од редовите на СДСМ Солза Грчева.

-Кога сте десет години во опозиција се обидувате да дојдете на власт со различни концепти и тоа е легитимно. Не можете да ја замрзнете ситуацијата во партијата, онаква каква што била, морате да еволуирате во склад со делувањата на другите партии и случувањата во државата, и тука нема ништо спорно. Бев збунета од листите, не верувам во граѓанскиот концепт на СДСМ бидејќи доаѓа од истото раководство што не покажа разбирање за некаква независност, вели Грчева.

-Прво не прават коалиција со сите опозициски сили кои носат гласови, после викаат не ги гласајте малите штетници се. Прво прават срање листи, после викаат гласајте против поголемото зло. Прво се договараат со режимот, после одбиваат да се изјаснат дека нема со нив да коалицираат. И некој ваков, што на се ова ветува флоскули за живот, што емотивно ќе биде частен, уште ќе води морални војни со сите неистомисленици. Дајте сакупете се, напиша Ивор Мицковски на Фејсбук.

За да докажат на дело дека навистина го изгубиле демократскиот капацитет и идентитет, Рубин Иваноски од СДСМ му реплицира на Мицковски, на многу низок и дрзок начин, кој не личи и не се оправдува со ништо.