Модел на „Бугати 57С Кабриолет“ понуден на аукција

Aукциската куќа „Сотбис“ ќе ја одржи своја традиционална предновогодишна аукција на островот Амелија, каде ќе бидат продадени неколку ретки модели на автомобили, меѓу кои е и „Бугати Тајп 57С Кабриолет“ од 1937 година.

Се работи за еден од само трите изработени примероци од овој модел, а автомобилот поседува оригиналната каросерија што ја произвела француската компанија „Ванвурен“.

Автомобилот никогаш не бил реставриран и е единствен од трите „Бугари 57С“, кој моментно е во приватна сопственост.

Шасијата, каросеријата, моторот и менувачот се оригинални, а досега овој „Бугати“ главно бил во сопственост на Британци. Ја поседува сета оригинална документација, а ова ќе биде првпат да оди на аукција во неговата 80-годишна историја.

Се проценува дека автомобилот може да биде продаден за 8,5 милиони долари и да стане еден од најскапо продадените „Бугати“ во историјата.

Пред три години „Бугати Tајп 57СЦ Атлант“ беше продаден за 8,7 милиони долари, а лани на островот Амелеија купувач издвои 9,7 милиони долари за „Бугати 57СЦ Спорт Туре“.

На овогодишната аукција на продажба ќе бидат понудени „Штиц Модел М Купе“ од 1930 година, како и „Кадилак В-19 Фитон“ од 1933 година.

Вредноста на првиот автомобил се проценува на 1 милион, а на вториот на 500.000 долари.