ВИДЕО: Потресната венчавка на родителите чие двегодишно дете боледува од рак
Двегодишно момче на кое за жал лекарите му дијагностицирале рак и му предвидуваат само уште неколку недели живот, беше кум на свадбата на своите родители која се одржа оваа сабота. Се работи за Кристин Свидорски која оваа сабота со своето дете во прегратката се заколна на вечна љубов со Шон Стивенсон, додека малиот Логан Стивенсон беше кум на церемонијата.
За жал, двегодишното бебенце боледува од леукемија, како и други заболувања, и докторите му предвидуваат само уште неколку недели живот.
Овој пар требало да се венча во јули идната година, но откако лекарите минатиот месец дијагностицирале рак кај нивното синче, забрзале со свадбата, за тој да може да ги види заедно и конечно да бидат вистинско семејство.
