Костов: Доказите се за во суд, не за на прес-конференции
Мислам дека премногу малку е понудено за ова време. Од кои причини, јас не знам, констатира политичкиот аналитичар и поранешен јавен обвинител Сотир Костов со Љубиша Николовски.
„Докажувањето не се прави на прес-конференции. Затоа, велам, на луѓето веќе образот им е оцрнет. Противправно, неосновано… доказите служат за проверка на нивната веродостојност во судската сала, и тоа само од судијата“, вели Костов.
Според Костов, обвинителот, одбраната и судот, сите можат да предложат докази, а не во јавноста како во овој случај што се направи, се кажаа имиња, функции, цела партија била криминогена итн…
„Од обвинителите за политичарите, некој држеше тиради, некој имаше шоу, морам да го кажам ова. Не, тоа шоу требаше да се направи пред судијата во судската сала и судијата достојно, како доминус литис, најјак човек во судската сала да каже: да, овие докази се издржани, одиме понатаму и ќе се донесе одлука. А вака, ние расправаме дека имаме криминогена власт, ни криви ни должни луѓето, од едни незаконски снимани разговори кои треба да се по чуен глас, или индиција“, рече Костов.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
