Германската „Костал“ официјално стартуваше со производство во Охрид

Германската компанија Костал денеска и официјално стартуваше со производствени активности за технолошко напредни и иновативни призводи во областа на автомобилската индустрија. Станува збор за браунфилд производствен капацитет што ќе функционира во рамките на поранешните производствени капацитети на охридски ЕМО.

Германската компанијата Костал е една  од четирите водечки фирми во светски рамки што произведуваат електронска и електронско механичка опрема за најсовремените и најпознатите автомобилски и компании како фолскфаген, мерцедес, бмв,  форд и други и моментално има  над 17 илјади вработени  во свои производствени капацитети на 46 локации во 21 држава на четири континенти.

Предвидено е, како што беше истакнато на денешната свеченост по повод стартувањето на производствениот процес на капацитетот Костал во Охрид на компанијата во Македонија, во следните десет години да инвестира околу 30 милиони евра и  на подолг рок да создаде 800 нови работни места.